"Leitun að spilltari og siðlausari stjórnmálamanni en Björn Inga"

"Það er leitun að spilltari og siðlausari stjórnmálamanni en Birni Inga," sagði Sigurður Kári í samtali við Vísi."



Árni Johnsen, anyone?

"Hvað finnst þér gott að borða!"

Ég varð vitni að skemmtilegu samtali út í 10-11 í dag. Þetta var um hádegisbilið og eldri kona var að raða vörunum sínum upp á kassanna. Þarna voru kexpakkar, flatkökur, kaffi og ýmislegt sem nauðsynlegt er fyrir alvöru ömmu að eiga í skápum og skúffum. Þegar hún er að setja síðustu vörunar upp á kassann þá segir hún afar hátt svo glumdi um búðina. Forvitna ég gat ekki annað en snúið mér við og fylgst með því sem fram fór.

" ÁTTTTTTTTTTTTU ... ÖMMMMMMMMMMMMMMMU... KLEINNNNNNNNNNNNNNNURRR ? "

Maðurinn á kassanum leit út fyrir að vera frá Indlandi eða Pakistan, eða það myndi ég giska á. Hann svaraði mjög fljótt og um leið og hann setti vörunar í poka fyrir ömmuna.

" Nei því miður elskan, þær eru ekki komnar. Þeir eru eitthvað seinir með sendinguna í dag".

Litlum púka í mér langaði voðalega að svara fyrir ömmuna með mjóróma röddinni í frosknum úr brandaranum góða "Ó, ég bara spurði."